Gólfefni íbúða er harðparket með hljóðdempandi undirlagi á anddyri, eldhúsi, stofum, herbergjum og göngum.
Gólf í votrýmum eru flísalögð.
Veggir
Innveggir eru ýmist staðsteyptir eða gifsplötuklæddir blikkveggir einangraðir með steinull.
Steyptir veggir milli íbúða er 200 mm þykkir til að uppfylla kröfur umhljóðvist.
Í votrýmum er veggir ýmist vatnsvarðar gifsplötur eða „Viroc“ plötur.
Allir veggir og loft eru slétt sparslaðir og málaðir.
Sparsl og málning í votrýmum eru raka og vatnsþolin.
Innveggir þar sem innréttingar koma á er 12 mm krossviður í stað innri gifsplötu til að tryggja skrúfuhald.
Veggir eru grunnaðir og málaðir með tveimur yfirferðumaf akrýlmálningu.
Loft
Steypt loft eru slétt sandspörsluð.
Loft eru grunnuð og máluð meðtveimur yfirferðum af plastmálningu, gljástig 2 eða sambærilegt.
Loft og veggir í baðherbergjum og þvottahúsum eru máluð meðviðurkenndri votrúmsmálningu.
Hurðir
Innihurðar eru yfirfelldar, sléttar og hvítalakkaðar.
Fataskápar
Fataskápar eru í herbergjum og forstofu. Þeir koma frá Axis.
Sýnilegar hliðar og hurðir í fataskápum er Atlas Oak 0H851 W06(Melamín).
Þvottahús
Gólf eru flíslaögð. Flísar eru 600*600 mm.
Tengingar eru fyrir þvottavél og þurrkara, gert er ráð fyrir barkalausumþurrkara.
Eldhús
Eldhúsinnrétting er sérsmíðuð af vandaðri gerð frá Axis ásamt vaski og blöndunartækjum frá Tengi. Sýnilegar hliðar, skúffur og hurðir í eldhúsi er Atlas Oak 0H851 W06(Melamín).
Borðplötur eru harðplastlagðar með slitsterku plasti og kantlímdar með plasti.
Ath. hér er ekki ráðlegt að leggja heita hluti beint á borðplöturnar, heldur nota hitaplatta eða sambærilegt.
Með íbúðunum fylgir spanhelluborð, ofn með blæstri frá AEG og gufugleypi af gerðinni Airforce. Öll eldhústæki eru frá Ormsson.
Baðherbergi
Gólf eru flísalögð og veggir að hluta. Flísar eru 600*600 mmfráBirgisson. Innrétting er frá Axis. Sýnilegar hliðar, skúffur og hurðir í baðherbergi er Atlas Oak 0H851 W06(Melamín).
Borðplötur eru harðplastlagðar með slitsterku plasti og kantlímdar meðálímingum úr plasti.
Í baðherbergjunum er ýmist speglaskápur eða spegill, handlaug ogblöndunartæki í borðplötu, vegghengd salerni, handklæðaofn ogglerskilrúmi við sturtu.
Niðurföll eru í gólfum þ.e. öryggisniðurfall og niðurfall í sturtu.
Öll hreinlætistæki eru frá Tengi. Baðherbergi og þvottahús er í sama rými í 2. herbergja íbúðum
Geymsla
Öllum íbúðum fylgir geymsla á fyrstu hæð.
Gólf málað.
Hitakerfi
Íbúðir eru hitaðar upp með hefðbundnu ofnakerfi, stigahús, sameign og geymslugangar sömuleiðis.
Ofnar eru af tegundinni Brugman fá Ofnasmiðju Suðurnesja (BYKO).
Vatns- og þrifalagnir
Vatns, ‐ og þrifalagnir eru frágengnar skv. teikningum.
Loftræstikerfi
Sérstakt loftræstikerfi er fyrir hverja íbúð.
Kerfið hefur loftskipti í íbúðinni með því að taka loft að utan og dælaþví inn í vistarverurnar, herbergi og stofu, og soga lofti út úr baði, þvottahúsi og eldhúsi.
Kerfið er með endurvarmvinnslu og nýtir við bestu aðstæður 80% af varmanum.
Kerfið er með síum og er allt loft sem kemur inn síað.
Ekki á að vera þörf á að opna glugga í íbúðinni til loftunar.
Rafmagnslagnir
Rafmagn verður fullfrágengið samkvæmt teikningu.
Litur tengla og rofa verður hvítur.
Reykskynjari verður í hverri íbúð.
Klæðning og einangrun
Útveggir á 1. hæð eru staðsteyptir 200 mm, múrhúðaðir og málaðir að utanverðu, að innan eru útveggir 1. hæðar einangraðir með 100 mm EPS plasteinangrun og múrhúðaðir undir sparsl og/eða málningu.
Útveggir 2. til 5. hæðar eru staðsteyptir 200 mm einangraðir með 100 mm steinull og klæddir með álklæðningu.
Ráðandi klæðning er standandi bára í RAL9006 en stigahús, andyri, inni á svölum, inni á svalagöngum og að hluta til á sitthvorri hlið hússins kemur slétt 2 mm álklæðning í lit D 395 MX (græntóna).
Vatnsbretti og gluggaáfellur verða í sama lit og gluggar (RAL7016).
Þak
Þakplata er steypt með sléttu yfirborði og steypt í halla að niðurföllum.
Á þakplötu er rakavarnarlag 0,2mm þolplast, Tvö lög af EPS þakeinangrun 25 kg/m3.
Ofan á einangrunina kemur glerfilt 120 g/m2 og svo þakdúkur.
Þakdúkur er Sarnafil G 1.6 mm PVC-dúkur „SIKA“ eða sambærilegt.
Ofan á þakdúk er 10 – 12 cm malarlag með steinastærð 40-80 mm. Niðurföll eru af gerðinni „SITA“ eða sambærileg með innsteyptum PVC dúk.
Ofan á niðurföllum er álristar.
Gluggar
Gluggar eru ál-trégluggar festir í veggi eftir steypu. Álhluti að utan í lit RAL7016 og tré að innan í lit RAL9010.
Gler er tvöfalt K-gler (U-gildi 2,0 W/m2) á öllum hliðum hússins.
Allir gluggar uppfylla viðkomandi IST-staðal.
Ábyrgð framleiðanda er samkvæmt skilmálum Rationel gluggaframleiðanda og er Húsasmiðjan umboðsaðili fyrir gluggana.
Gluggar koma glerjaðir.
Við kaup íbúðar yfirtekur/taka kaupandi/kaupendur ábyrgð framleiðand.
Lóð
Suðurhella 12 myndar eina heild með lóðunum nr. 12-20 við Suðurhellu.
Lóðin liggur á horni Suðurhella og Krísuvíkurvegar annars vegar og markast af óhreyfðu landi til suðurs og vesturs.
Lóðirnar eru tengdar innbyrðis með göngustígum, grassvæðum og bílastæðum.
Aðkoma er á tveimur stöðum, frá Suðurhellu úr vestri við Suðurhellu 12 og Suðurhellu nr. 16.
Bílastæðasvæðið næst Suðurhellu 12 er með 39 bílastæðum.
Gróðursett verður meðfram allri lóðinni með lágvöxnum runnum sem verður plantað þétt og skulu hvergi ná meiri hæð en 1,0 m, til viðbótar þeim skal plantað einstökum birkitrjám.
Einnig verða ker á lóðinni með sígrænum plöntum (tegundir eins og bergfura, skriðmispill og hélurifs).
Íbúðargangar, lyftuhús og stigahús
Lyfta að 5. hæð er staðsett í göngum að íbúðum.
Stigahús tengist hverri hæð og er sér eining/eldhólf í húsinu.
Steyptir innveggir eru hreinsaðir, slípaðir og málaðir.
Póstkassar eru í anddyri.
Anddyri stigahúss er flísalagt, stigahús teppalagt og forrými lyftuhúss teppalagt.
Gólf í geymslum er máluð með gólfmálningu.
Raflögn í sameign er frágengin samkvæmt teikningum.
Lyfta
Fólkslyfta í húsinu er af gerðinni Schindler 3000 frá Héðni ehf.
Hjóla- og vagnageymslur
Hjóla‐ og vagnageymsla og lagnainntök vatns eru í sérrými á 1. hæð.
Veggir að innan eru hreinsaðir, slípaðir og málaðir, gólfflötur er málaðurmeð gólfmálningu.
Bílastæði
Bílastæði eru sameiginleg húsanna nr. 12 – 20.
Ákvæði deiluskipulags um bílastæði er uppfyllt þ.e. 1 bílastæði fyrirhverja íbúð undir 80 m2 og 2 bílastæði fyrir íbúðir yfir 80 m2.
Lagnaleiðir verða fyrir mögulega rafhleðslutengingu.
Sorp og djúpgámar
Sorpaðstaða er sameiginleg fyrir Suðurhellu 12 – 20. 5 m3 djúpgámarfyrir fjórflokkun er komið fyrir innan lóðar við götu við hvert hús.
Snjóbræðsla er að sorpgámum.
Viðmið Hafnarfjarðarbæjar varðandi djúpgáma og flokkun sorps eruppfyllt.
Seljandi áskilur sér rétt til að láta breyta teikningum á byggingartímanum á samráði við arkitekta og hönnuði að fengnu leyfi byggingaryfirvalda sé þess þörf vegna tæknilegra útfærslna.
Kaupendur skulu hafa það í huga að ekki er leyfilegt að skerða burðarþol byggingarinnar.
Eigendur gætu þurft að hreinsa sigti á blöndunartækjum nokkrum sinnum eftir að flutt er inn í eignina og fylgjast með niðurföllum í þvottahúsi, baðherbergjum og á svölum.
Nauðsynlegt er að smyrja lamir á opnanlegum fögum og svalahurðum svo þau festist ekki.
Við afhendingu skal kaupandi skoða eignina ítarlega. Ef einhverjir ágallar finnast skal kaupandi, áður en hann hefur framkvæmdir í eigninni, afhenda fulltrúa ÞBF ehf. undirritað eyðublað þar sem þessir ágallar eru taldir upp.
Varast ber að setja plastfilmu eða merkingu á gler eða setja gardínur þétt að gleri vegna rakamyndunar og sprunguhættu.
Aðalhurðir verður að fylgjast vel með og umgangast þannig að engar þvinganir verði við umfang þeirra. Reglulegt viðhald hurðanna er nauðsynlegt.
Eigendur gera sér grein fyrir því að í geymslu og þvottahúsi geta verið lagnir í loftum og á veggjum sem eru nauðsynlegar vegna lagnaleiða hússins.
